Сатри равон

Таҷлили ҷашни пирӯзӣ бар фашизм9 май бо иштироки Раиси шаҳри Қайроққум дар боғи фарҳангу фароғатии ба номи Темурмалик ба муносибати солгарди 70-уми Ғалаба дар Ҷанги Бузурги Ватании солҳои 1941-1945 митинги ёдбуд баргузор шуд. Нахуст Матлубахон Амонзода, Раиси шаҳр баромад карда кулли сокинони шаҳрро ба Иди Ғалаба табрик намуд. ӯ изҳор дошт, ки Ҷанги Бузурги Ватанӣ, акси садои он рӯзҳои пурталотум, он набарди ҳаёту мамот ҳар қадар ба саҳифаҳои таърих дохил гардад, шаҳомату бузургии он ҳамон қадар барҷастатар аён мегардад. Ёди он айём дар мағз-мағзи қалби онҳое, ки дар майдони ҳарб сина сипар кардаанд ё дар ақибгоҳ шабро шабу рӯзро рӯз нагуфта Ғалабаи бузургро наздик кардаанд, абадӣ ҷой гардидааст.

Табрикоти Раиси вилояти Суғд Абдураҳмон Қодириро ба самъи ҳузурдоштагон намояндаи Мақомоти иҷроияи ҳокимияти давлатии вилоят Абдусалом Ваҳобов расонид.

Аёдати ашхоси ниёзманд, пирони барҷомонда, яккаву танҳо, собиқадорони ҷангу меҳнат дар арафаи иду ҷашнҳо ба ҳукми анъана даромадааст. Ба муносибати 70-солагии Рӯзи Ғалаба дар Ҷанги Бузурги Ватании солҳои 1941-1945 бо иқдоми Раиси шаҳри Қайроққум Матлубахон Амонзода дар маркази шаҳр 15 нафар ва дар Ҷамоати шаҳракҳо зиёда аз 60 нафар табақаҳои эҳтиёҷманди аҳолӣ аёдат карда шуданд.

Ба ҳар яки онон маводҳои озуқа, монанди қанд, гӯшт, равған, чой, макарон ва амсоли инҳо аз ҷониби кормандони шуъбаи хизматрасонии иҷтимоӣ дар хона дастрас намуда шуд.

Кӯмакпулии президентӣТибқи Амри Президенти Ҷумҳурии Тоҷикистон таҳти №АП-495, аз 29 апрели соли 2015 ба иштирокчии Ҷанги Бузурги Ватанӣ дар шаҳри Қайроққум Воҳид Самадов бахшида ба 70-солагии Рӯзи Ғалаба дар Ҷанги Бузурги Ватанӣ 1500 сомонӣ кӯмакпулии яквақта таъин карда шуд.

Кӯмакпулии президентӣ

Ин кӯмакпулии яквақта санаи 6 майи соли 2015 аз ҷониби муовини якуми Вазири меҳнат, муҳоҷират ва шуғли аҳолии Ҷумҳурии Тоҷикистон Сангинзода Эмин Нуъмон, сардори Раёсати Хадамоти назорати давлатӣ дар соҳаи меҳнати вилояти Суғд Қодири Абдулатиф бо иштироки Раиси шаҳри Қайроққум Сатториён Матлубахон Амонзода  ба родмарди шуҷоъ, собиқадори ҷангу меҳнат Воҳид Самадов супорида шуд.


Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:302
mod_vvisit_counterРӯзи гузашта:1123
mod_vvisit_counterҲамин ҳафта:5202
mod_vvisit_counterҲафтаи гузашта:5006
mod_vvisit_counterҲамин моҳ:18649
mod_vvisit_counterМоҳи гузашта:18845
mod_vvisit_counterҲамагӣ:252086

Мо дар Фейсбук