Сатри равон

Дар Кохи «Истиқлол»-и шаҳр мулоқоти ректорони таълимгоҳҳои олии вилоят бо омўзгорон ва хатмкунандагони муассисаҳои таълимии шаҳр доир гардид. Молоқотро муовини Раиси шаҳри Гулистон Ғайрат Оқилзода ҳусни ифтитоҳ бахшида, доир ба касбинтихобкунӣ ва сиёсати давлатии ҷавонон сухан ронд.

Сипас ректорони ДДХ ба номи академик Бобоҷон Ғафуров А.Мақсудӣ, ДДБҲСТ Ҷ.Ҷўразода, ДИСДТТ О. Латифзода, ДПДТТ ба номи академик Муҳаммадҷон Осимӣ Д. Раббизода, ДКМТ М. Фозилзода баромад карда, дар бораи фаъолияти таълимгоҳҳои худ иттилоот доданд.

Санаи 3-юми феврал дар Ҷамоати шаҳраки Сирдарё қабули шаҳрвандон аз ҷониби Раиси шаҳр сурат гирифт, ки дар ин вохўрӣ мудирони шуъбаҳо, бахшҳо ва дигар масъулини мақомоти иҷроияи ҳокимияти давлатӣ ширкат варзиданд. Раиси шаҳр Матлубахон Амонзода таъкид намуд, ки масъалаи баррасии муроҷиати шаҳрвандон ва саривақт ҷавоб додан ба онҳо имрўз дар мадди назари Ҳукумат ва Сарвари кишвар буда, аз мо масъулин тақозо менамояд, ки ба ин масъала аҳамияти ҳарчи бештар диҳем.

Дар ҷараёни қабули Раиси шаҳр ҳаҷдаҳ нафар шаҳрванди шаҳраки Сирдарё муроҷиат намуда, проблема ва мушкилоти хешро арз доштанд, ки аз ҷониби мудирони бахшҳо, корхонаҳои марбута ва шахсони масъул мавриди арзёбӣ қарор гирифтанд.

Дар Боғи фарҳангӣ-фароғатии «24-солагии Истиқлолият» бо иштироки сокинони шаҳр, намояндагони Ҷамоати шаҳракҳо, корхонаву ташкилот, идораву муассисаҳо таҷлили иди Сада хотирмон ба вуқўъ пайваст.

Ҷашни Садаро Раиси шаҳри Гулистон Матлубахон Амонзода ифтитоҳ намуда, дар табрикоти хеш, аз ҷумла тазаккур дод, ки тавассути Истиқлолияти давлатӣ, сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон дар кишвари мо файзу баракати хосаи идҳои аҷдодӣ ва миллӣ шукўҳу шаҳомати тоза пайдо намуда, он ба густариши оинҳои мардумӣ мусоидат карда, барои такомули худшиносиву худогоҳии миллӣ, ватандўстиву ташаккули маънавият такони нерўбахши худро эҳдо сохтааст.

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:942
mod_vvisit_counterРӯзи гузашта:1079
mod_vvisit_counterҲамин ҳафта:9149
mod_vvisit_counterҲафтаи гузашта:9731
mod_vvisit_counterҲамин моҳ:31840
mod_vvisit_counterМоҳи гузашта:21949
mod_vvisit_counterҲамагӣ:287226

Мо дар Фейсбук