Сатри равон

Шаҳракҳо

(1 овоз, миёна 5.00 аз 5)

Шаҳраки Сирдарё шаҳраки геологҳо буда, 26 апрели соли 1973 таъсис ёфтааст. Дар ин шаҳрак қариб 3,4 ҳазор нафар аҳолӣ зиндагӣ доранд. Дар шаҳрак Экспедитсияи комплекси геологии Қайроққум ва дигар корхонаҳое, ки дар тадқиқоти зеризаминӣ, дарёфти конҳои нав, назорати меъёри обҳои зеризаминӣ ва ташхиси кӯҳу хоктеппаҳо мебошад фаъолият доранд.

Шаҳраки Чоруқдаррон аз 5 марти соли 1945 ин ҷониб арзи вуҷуд намуда, дар қисмати шимолии шаҳри Хуҷанд ҷойгир гашта, қариб 3,2 ҳазор аҳолӣ дорад. Дар шаҳрак Комбинати фулузоти нодир ҷойгир шудааст. Иқтидори солонаи корхона коркарди 1,5 ҳазор тонна рехтаи фулузоти ранга мебошад.

(1 овоз, миёна 3.00 аз 5)

Шаҳраки Консой боиси ифтихори Тоҷикистон аст. Ин шаҳрак 11 июни соли 1933 ташкил шудааст. Шаҳраки Консойро шаҳраки нақбканҳо низ меноманд. Дар ин шаҳрак зиёда аз 4,9 ҳазор аҳолӣ истиқомат мекунанд. Дар солҳои Ҷанги Бузурги Ватанӣ ҳисоб карда баровардаанд, ки ҳар як тири ҳафтуми дар ҷанг истифода кардашуда аз сурби комбинати полиметаллии Консой истеҳсол карда шудааст. Ҳоло дар ин ҷо корхонаи муштараки Тоҷикистону Канада ҶДММ «Апрелевка» фаъолият дорад. Корхона маъданҳои тиллою нуыраи мавзеи Қарамазорро кор карда, дар як сол то 3,0  тонна металхои қимматбаҳо истеҳсол карда метавонад.

(3 овоз, миёна 2.33 аз 5)

Шаҳраки Адрасмон дар таърихи 26 марти соли 1941 таъсис дода шуда, аз маркази шаҳр дар масофаи 60 километр ҷойгир шудааст. Ин шаҳраки калонтарини Қайроққум буда, беш аз 13,6 ҳазор нафар аҳолӣ дар он истиқомат мекунанд. Дар шаҳрак комбинати маъданбарории Адрасмон ва Идораи шахтасозӣ фаъолият доранд. Иқтидори яксолаи комбинат коркарди 500 ҳазор тонна маъдан ва истеҳсоли 10 ҳазор тонна консентрати қурғошиму нуқраро ташкил медиҳад. Дар мавзеи тобеи шаҳраки Адрасмон – деҳаи  Қаромазор бештар аз 90 элементи таблитсаи Менделеев ёфта шуда, қаторкӯҳи Қурамаро дар ин макон «Урали тоҷикон» низ номидаанд.

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:260
mod_vvisit_counterРӯзи гузашта:546
mod_vvisit_counterҲамин ҳафта:3716
mod_vvisit_counterҲафтаи гузашта:4004
mod_vvisit_counterҲамин моҳ:13630
mod_vvisit_counterМоҳи гузашта:14993
mod_vvisit_counterҲамагӣ:228222

Мо дар Фейсбук